Мәжіліс өткен орын

Мәжіліс залы

Көрермендерге берілген сыйлық

Win8-дің келбеті(бастау тізімдігі)

Шаттыққа толы программистер

Дереккөз: kazakhsoft.com

«Пекин таңы» газетінің хабарлауынша қытайда жылына 250 мың адам өз-өзіне қол жұмсап, 2 миллионнан астам адам көздеген мақсатын орындау барысында жан сақтау бөлімдеріне жеткізіліп, өмірге қайта келеді екен. Жас мөлшері 15-пен 34 аралығындағы жастар арасында өзіне қол жұмсау өлімнің ең басты себебі болып тіркеліп отыр.

Қыркүйектің 10-күні әлімдік 9-кезекті суидцидке қарсы тұру күні. Аталған күннің биылғы тақырыбы «Әр алуан мәдениеттер тоғысқан қоғамда өз өмірін қиюға қарсы тұру». Суидцид қытайда кісі өлімі қатары бойынша бесінші орында тұрса, 15-пен 34 жас аралығындағы жандар арасында кісі өлімі қатары бойынша бірінші орында. Мамандар пікірінше жастар арасындағы өз-өзіне қол жұмсаудың басты себебі жан санының шектен тыс артуы және тұрмыс ауыртпашылығының күн сайын көбеюі мен писхологиялық ақаусыздық болып отырған көрінеді. Жастар арасында орта мектеп оқушылары, университет студенттері және жаңадан шаңырақ көтерген жас отбасылар өз өмірін қиюшылар қатарында молынан кездесіп отыр. Бүгінгі күнде қытайда біз тілге тиек етіп отырған білім алушылар мен жаңа шаңырақ көтерушілердің өміріне түскен қысым ең ауыр. Мектеп бітірушілер бойындағы физиологиялық өзгерістер мен ЖОО-ға емтихан, сәтсіз махаббат сияқты жеке басқа түскен түрлі салмақтарға шыдамаудың соңы осындай қайғылы оқиғаларға әкеліп соғуда. Ал, екінші топ, жаңадан шаңырақ көтерушілердің қоғамдық өмірге жаңа қадам басқандағы түрлі қиыншылықтары, жұмыспен қамту, экономикалық тұрақсыздық, бала тәрбиесі сынды күнделікті мәселелердің шиеленісуі бұл жағдайдың нақты себептері деп қарастырылуда.

P.S
Өмір жолының анық шырағданы болса, ол көкірек сарайыңызда үнемі сайрап жатады да, сізге қуат беретін күшке айналады. Жол үстінде кісі келесі жүрер бағытының белгісіздігінен басы қаңғырап, жалғыздық азабын тартады. Бұл – көзге көрінбес ең көрнекті өнер. Сондықтан, жас жігіт, өз өмірің көз алдыңда тұрсын.

Аударған: kazprose

Хан Ханның блогы: http://blog.sina.com.cn/twocold

http://en.wikipedia.org/wiki/Han_Han

Франциялықтардың өз сөзімен айтқанда, Францияның қазіргі поэзия әлемінен екі түрлі бетпе-бет бейнені көреді екен; бірі, реалды тану және барлыққа келтіру мұраты, енді бірі, осы заман трагедиясының мәні. Әркім өзі білгенімен болып жатқан Батыс қоғамындағы осы заман трагедиясының мәнін ұғыну онша қиынға соқпаса да, реалды тану және барлыққа келтіру мұраты дейтін түсіну тым оңайға түсе қойғандай емес. Неге десеңіз, Франция поэзиясы романтизм табалдырығын аттағаннан бастап, ақындар обеъктив мәнге бой ұрып, өлеңді «ақынның көңіл-күйі», «жанның тынысы» деп қараған екен. Әсіресе, реализмге жеткен шақта, мұнанда бір адым ілгерлей түсіп, адамның қалыпты писихологиялық қалін ғана емес, адамдағы аңдаусыз сананы да поэзия дүниесіне жатқызады. Аңдаусыз сананың поэзияда бұлайша дәріптелуі дәстүрлі поэзиямен ат кекілін кесіседі. 50-жылдардан бастап етек алған конструктивизм(құрлымшылдық) осы заман поэзиясы обеъктив поэзия дегенге ойысып, өлеңнің мәні оның мазмұнында емес, ұйқасында да емес, қайта оны жарататын тілде дегенді қуаттайды. Сонымен, үздіксіз жылжыған заманалар көшінде классизмнің «табиғат» пен «ақылын» романтизмнің «мәнін», әсіре реализмнің «аңдаусыз санасын» символизмнің «жасампаздықты сөзге берейік»-ін, конструктивизмнің «бәрін тіл орындайды»-сын басынан кешірген қазіргі Франция поэзия әлемі жүгін енді аңдаусыз сана образы мен осы заманданған тілдің ұштасуына салып отырған тәрізді. Мәселен, сол елдің қазіргі табиғат ақыны, өзгеше лирик делінетін Жан Гросжанның «Жас» деген бір өлеңін келтіріп кетсек теріс болмас:

Жазғы ағаштың көлеңкесі
Жол бойына құлады.
Шілделіктің дауысы
Таңғы ауамен тұнады.

Барады жетім баладай,
Жол кезіп қиыр-қияқты.
Қозғалып кетті көлеңке,
Ал, мен сол қалпым сияқты.

Шақырса да жер түбі,
Тәуекелге арт деп жүгіңді.
Сырқырап менің табаным,
Шаршағаным білінді.

Көлеңкеде дем алдым,
Кітаптан ашпай бір парақ,
Айлар-күндер қасымнан,
Өте берді сипалап.

Авторы: Әзімхан Тышанұлы
Қайнар: «Күлтегін» сайты
Үйлестірген: Мейіржан Әуелханұлы

7-сәуір, яғни бүгін режиссер Ақан Сатаевтің фильмі «Ликвидатор» көрермендерге жол тартты. Көрдік. Сездік. Білдік. Нені көрдік? Ненні сездік? Нені білдік?

Көргеніміз

Шөбі мен шөңгесі көп, сүрінісі мен жаңылысы да жоқ емес қазақ бейне түсірілім тарихы тағы бір қуанды. Мені қуантқаны қазақ киносына экран арқылы адам жанына үңілу үрдісі, писхологиялық төңкеріс, қоғам мен адам, ашалап айтсақ қазақ қоғамындағы заң мен сақшы рөлін көтеруі және идеологиялық сипат алуы болды. Аз сөзбен айтқанда көргеніміз осы.

Сезгеніміз

Көтерген идеяның қуаты және режиссерлік шеберлік жағынан үлкен табысқа, соныға із салған. Бұл менің жай ғана көрермен ретіндегі эмоциям ғана. Бірінші көрілім, алғашқы әсер, әрине, өте жақсы. Еліміз киносындағы жақсы беталыс, кең таралған моды ағым киношылдыққа жоғары сауаттылықпен келіп өз көрермендерін, аудиториясын тәрбиелеу – бұл ертеден басталып, осы күні шырқау шыңына шығуға тиісті сала еді. Бірақ, бізде енді-енді халықтық сипатқа еніп келеді.

Білгеніміз

Қазақ киносы енді дамиды. Сапа мен өнімді көріп те жатырмыз. Енді қазаққа, қазақ кино әлеміне Ақан мырза сынды режиссерден оны, жиырмасы қажет.

Түйін сөзі мынау, «Ликвидатор» сынды жақсы туындыға жол алу барысын «Адасқандар»-дан-ақ танытып үлгерген режиссер «балаға» ақ жол тілейміз. Айта кетер бір өкпе, «жармақ» идеясын «Адасқандар»-да да көтерген еді, енді бұл жолы басқаша алып шығу керек ед…

Елім үшін ат терлетіп шапқаным,
Ұйқтамадым, отырмадым, жатпадым.
Ал, қолымда жаңа заман жабдығы,
Тіл қанжары, сөз жебесі – атқаным.
Ұрпақ мені ұмытпады – мақтаным,
Ойыма тек ел намысын сақтадым.

Эпиграммасын жазған: Берік
Суретті салған: Ғаламин

Либияның аспаны қалың ұшақ,
Каддафидың кескендей сәнін пішақ.
Саркозидың асты ғой алапасы,
«Одиссейдің» шалқыған әні құсап.

Келе жатыр алдыда сәуір айы,
Біреулерге сәуір айы сары уайым.
Дүниені оңар деп өлеңдей қып,
Қолымда билігім жоқ не қылайын? – деп өлеңдетіп отырсаң, ә…

Наурыз мерекесі, ұлыстың Ұлы күні құтты болсын! Ақ мол болсын, еліміз ырысты бола берсін!

Өлең авторы: Құсни