Қазақ киносындағы соны леп

7-сәуір, яғни бүгін режиссер Ақан Сатаевтің фильмі «Ликвидатор» көрермендерге жол тартты. Көрдік. Сездік. Білдік. Нені көрдік? Ненні сездік? Нені білдік?

Көргеніміз

Шөбі мен шөңгесі көп, сүрінісі мен жаңылысы да жоқ емес қазақ бейне түсірілім тарихы тағы бір қуанды. Мені қуантқаны қазақ киносына экран арқылы адам жанына үңілу үрдісі, писхологиялық төңкеріс, қоғам мен адам, ашалап айтсақ қазақ қоғамындағы заң мен сақшы рөлін көтеруі және идеологиялық сипат алуы болды. Аз сөзбен айтқанда көргеніміз осы.

Сезгеніміз

Көтерген идеяның қуаты және режиссерлік шеберлік жағынан үлкен табысқа, соныға із салған. Бұл менің жай ғана көрермен ретіндегі эмоциям ғана. Бірінші көрілім, алғашқы әсер, әрине, өте жақсы. Еліміз киносындағы жақсы беталыс, кең таралған моды ағым киношылдыққа жоғары сауаттылықпен келіп өз көрермендерін, аудиториясын тәрбиелеу – бұл ертеден басталып, осы күні шырқау шыңына шығуға тиісті сала еді. Бірақ, бізде енді-енді халықтық сипатқа еніп келеді. Read the rest of this entry

«Күлтегін» сұхбатын «ажуалау»

Әлеуметтік желілерде әр мамандық, әр саланың «жілігін шағып, майын ішкен» адамдар жүреді ғой. Төте жазуда «Күлтегін» атты сайттың бар екенін білесіздер. Сол сұхбат желісін жақсы көрген бір суретші досымыз «Күлтегінге» арнап ажуа сурет салған екен. Сурет пен суреттің астына жазылған эпиграмма.

Елім үшін ат терлетіп шапқаным,
Ұйқтамадым, отырмадым, жатпадым.
Ал, қолымда жаңа заман жабдығы,
Тіл қанжары, сөз жебесі – атқаным.
Ұрпақ мені ұмытпады – мақтаным,
Ойыма тек ел намысын сақтадым.

Эпиграммасын жазған: Берік
Суретті салған: Ғаламин

Либияның аспаны қалың ұшақ

Либияның аспаны қалың ұшақ,
Каддафидың кескендей сәнін пішақ.
Саркозидың асты ғой алапасы,
«Одиссейдің» шалқыған әні құсап.

Келе жатыр алдыда сәуір айы,
Біреулерге сәуір айы сары уайым.
Дүниені оңар деп өлеңдей қып,
Қолымда билігім жоқ не қылайын? – деп өлеңдетіп отырсаң, ә…

Наурыз мерекесі, ұлыстың Ұлы күні құтты болсын! Ақ мол болсын, еліміз ырысты бола берсін!

Өлең авторы: Құсни

BlogCamp @erlankarin

Үлкен қуаныштың бастауы

Бүгін KIMEP-те құрылтайға дайындық өткіздік. Жаңа ғана Жанарбек ағаны күтіп алдым. Ол кісі де қатты қуанып жүр. Бәрімізге де осы бір қуаныштың ортақ екені белгілі, көңілдегі алаң мен үміт ақыры сейіліп, бәрі де қуанышқа айналатын күн жетті. Келе жатқан мерекемен құттықтай отырып, Блог Құрылтайдың сәтті өтегініне сенім білдіре барлық блогерлерді құттықтаймын. Тағы бір игі жаңалық, «Қазақсофт»(төте жазудағы сайт) сайтының құрушысы осы Блог Құрылтайдың ашылуын құттықтай отырып сый ретінде қазақша-қытайша интернет сөздігін тегін іске қосыпты(жоба туралы түсіндірме). Оны жаңа ғана маған хабардар етті. Тәліп Нүсіпұлы ағамыз және басқа да келмекші болған қытайдағы блогшы ағайындар виза берілмеуі себебінен бұл жолғы дүбірлі жиынымызға келе алмады. Блогшы қауымға дұғай сәлем жолдады.

Ұйғұр компьютерлік техникасының даму деңгейі

Ұйғұр IT-шіктерін мойындамасқа алам жоқ. «Biligyr» атты программамен кез-келген қытай тіліндегі күнделікті істетіп жүрген барлық программаларды ұйғыршаға лезде аударып жіберуге болады екен. Бұл менің сол программаны түсіндірілу бейнебаянын өңдеп жасағаным. Біздің де осындай күнге жетер шағымыз болар ма екен?

Қайыр хош, жарық көзі!

ҚазҰУ-дің 5-жатақханасында адам сенгісіз заңдар шыға бастады. Осыдан бірер апта бұрын саған 11-ден кейін дәлізде жүруді шектесе, енді бүгін сағат 11-ден кейін бөлмелерден жарықты сөндіру керек деп жатыр. Ал, біздің «билік» студенттердің сабаққа осы түнгі тыныштықта отырып дайындалатынын білмей ме? Білсе мұның өрескел әрекет екенін неге аңғармайды? Қайыр хош, жарық көзі! Студенттер қауымының «Журфак шуынан» кейінгі белсенділігін байқастап көрудің бір жолы шығар бұл. Дегенмен, ертеңнен бастап студенттердің базар жаққа барып үстел шырақ сатып ала бастайтындығы анық.

%d bloggers like this: